Litla fjölskyldan

Nýtt, ögn betra og virkara blogg

Wed, 14 May 2008 22:34:51 GMT

Langar að benda þeim á sem vilja fylgjast með okkur og Flóvent í gegnum bloggheiminn á nýja og betri síðu hana má finna með því að klikka HÉR

Að vísu þarf lykilorð til að komast þangað inn, sendið mér bara mail á marinomth@visir.is og ég sendi ykkur lykilorðið um hæl, ætla að reyna vera duglegri að setja inn nýrri og flottari myndir af stráknum okkar.

Kær kveðja Marinó, Heiða og Flóvent Bjarni

hann er svooo duglegur.

Mon, 21 Jan 2008 01:54:13 GMT

nú finnst okkur tilefni til þess að blogga :)

Hann Flóvent Bjarni stóð upp í dag, hann hélt sér í stól og stóð bara upp eins og ekkert væri, og við bara göptum.. Eftir það er hann búin að vera að standa upp í allan dag, skríður á milli húsgagna til að standa upp við þau :) Svo skríður hann út um allt og maður hefur varla við að elta hann um alla íbúð, það er alveg með ólíkindum hvað hann stækkar hratt. við erum líka að byrja að gefa honum að smakka mat, ekki svona venjulegan barna/krukkumat, heldur smá kjöt og kartöflur og grænmeti sem við sjóðum og stöppum. Hann er líka komin með tvö stykki tönnslur og sólskinsbros :)

Annars er bara gott að frétta af okkur, ég og marinó erum bæði farin að vinna og erum nú að safna okkur í smá sjóð, við erum svo heppin með það að við getum pússlað vöktunum okkar saman, þannig að við þurfum sem betur fer ekki að ráða dagmömmu eða pössunarpíu strax, en systur og foreldrar hans Marinós eru búin að vera alveg ómetanleg í þeim málum og eru alltaf til í að passa fyrir okkur þegar við þurfum smá "alone" tíma. Við erum búin að sækja um á leikskóla fyrir Flóvent og erum bara að bíða eftir svari, en maður veit aldrei hvenær það verður eins og leikskólamálin eru á Íslandi í dag.

En núna held ég að það sé kominn tími á svefn hjá okkur :)

veriði hress :)

Heiða og fjölskylda ;)

Ryksugan á fullu!

Sat, 03 Nov 2007 21:19:22 GMT

Já það tók Guð 7 daga að skapa himinn og jörð en hjá okkur er svolítið meira búið að gerast.

Þetta verður nú líklegast langur pistill svo ég geri greinarmerki milli atburða svo hægt sé að hoppa yfir þá sem menn vilja ;)

Í fyrsta lagi sendum við stórar og þykkar þakkir yfir haf til Noregs. Dvölin þar var að venju himnesk og þá maganum mest skemmt. Heiða og Flóvent lágu í góðu yfirlæti á "Hótel pabba" og Flóvent Bjarni hafði tvöfaldast ef ekki þrefaldast á þeim tíma. Seinni vikan, þá þegar ég tróð mér í heimsókn var ekki verri. Strákurinn stækkaði og stækkaði, rúllaði sér fram og tilbaka á teppinu og reyndi fyrir sér á norskunni. Bjarni þeyttist um bæinn eftir vinnu og sýndi okkur Bergen sem er merkilegur og fallegur bær mjög. Átti það til að byrja að tala við okkur á norsku, mikið áreiti allt í kring. Það kom mér mest á óvart hvað mér fannst mikill munur milli norsku og dönsku, að minnsta kosti minnar dönsku. Við Heiða skelltum okkur í göngutúr og komum við í bakaríi, þar var listi á veggnum yfir mat sem hægt var að panta, við ákváðum að fá okkur hamborgara (já þetta var bakarí, já ég er alveg viss) og til öryggis sagði ég númerið á pöntunninni sem var 5. Afgreiðslustúlkan blaðraði eitthvað á móti og ég sagði já. Við matarborðið fengum við svínagúllas, þegar við vorum við það að fara var borið á borð kökusneiðar og kaffi. Við fórum áður en við fengum að sjá endan af þessum skandal!

Þegar við komum heim fórum við strax að leita af íbúð. Ótrúlega hratt fundum við fínustu íbúð í Hafnarfirði aftur. Verðskráin var ódýr miðað við gengi á leigumarkaðinum sem er gígantískur. Jæja, við erum allavegana kominn með mannsæmandi íbúð, skínandi fína og þægilega í gömlu hverfunum í Hafnarfirði. Erum þegar kominn í gang með að flytja búslóðina, eitthvað er hér í bænum, restin er svo fyrir norðan og bíður betri tíma þess að verða sótt.

Okkur til mikillar furðu fengum við svarbréf frá fyrrverandi leigusala okkar sem við höfðum kært. Sá einstaklingur er fluttur af landi brott með töluvert af okkar peningum og bjuggumst við ekki við að heyra orð frá honum meir, sérstaklega þar sem það átti að vera í okkar verkahring að finna upp á nýju heimilisfangi kauða. En svar kom frá honum, svarið var reyndar nákvæmlega það sem við bjuggumst við, slungið og kænt en hann er fyrrverandi hæstaréttalögmaður sem nýverið missti öll sín réttindi. Við ákváðum þó að láta vaða og láta ekki vaða yfir okkur, málið fer svo fyrir nefnd á þriðjudag.

Ég var svo kallaður inn í 3 og vonandi síðasta viðtal hjá Vodafone. Mér líst nokkuð vel á það starf og hlakka mikið til að sjá hvað út úr þessu öllu kemur. Ég ætla að leifa mér að vera nokkuð bjartsýnn.

Heiða sótti líka um vinnu á kaffihúsi, ætlar að taka nokkrar aukavaktir og kvöldvaktir þar sem við feðgarnir getum fengið okkar náðartíma saman.

Jæja, er þetta ekki komið nóg? Hrikalega leiðinlegt þegar þetta verður of langt, þá nenni ég ekki einusinni að lesa þetta.

En Gleðileg Jól

Biðjum innilega að heilsa og sendum kærar kveðjur yfir hafið.

Marinó Muggur & Fjölsk.

Nýir tímar

Sun, 21 Oct 2007 21:58:16 GMT

jæja fór í atvinnuviðtal niður í Ármúla í morgun. Gekk mjög vel. Tók reyndar sinn tíma að finna staðinn. Þetta var hjá Símanum. Þeir eru með 3 hús þarna í Ármúlanum og ég auðvitað þræddi 2 vitlausu fyrst. En fann svo loks. Ég var svo leiddur inn í fundaherbergi, það var svolítill "lögregluyfirheyrslu" bragur yfir þessu fyrst. Inn gengu svo, eftir stutta bið, 2 menn. Eftir líflegar og skemmtilega samræður slitum við þessu nú en þetta gekk mjög vel fyrir sig.

Vodafone hringdi um leið og þeir vissu að ég var í viðtali hjá Símanum og buðu mig í viðtal 1.11 en Síminn svaraði því til að þeir væru mjög samkeppnishæfir á launamarkaðinum og því engar áhyggjur.

Það er mjög gott, því mér líst vel á hjá Símanum, vinnu tíminn hentar mér vel, engar vaktir bara dagvinna og launin lofa góðu. Ég mun sjá um fjármál einstaklinga, leiða þá um kerfið og semja um skuldir.

Það er ágætt að geta byrjað aftur að vinna sig upp, það finst mér vera mikilvægur kostur í hvaða starfi sem maður er í. Ég var kominn á endastöð hjá 10-11 Hagar og því skemmtilegt og spennandi að byrja hér upp á nýtt.

En annars er ég að fara út til Noregs núna á eftir. Sækja heim Heiðu og Flóvent minn og heimsækja Man U R crazy Bjarna en sem betur fer unnu þeir rauðu í gær svo ég get flogið rólegur út.

En jæja. bið að heilsa ykkur í bili, heyri í ykkur þegar ég kem svo heim aftur.

Kkv. Marinó Muggur Þorbjarnarson

sækir Heiðu sína og Flóvent.

5 dagar liðnir

Sat, 20 Oct 2007 20:03:20 GMT

Það er nú sko ekki mikið fallegt svosem að frétta af mér. Heiða og Flóvent eru nú í Bergen, Norge að heimsækja Bjarna afa. Hafa það ótrúlega gott, nærast á 5 stjörnu eldamennsku, háma í sig M&M with pínatbutter og drekka coce i dós. Það fer alveg að líða vika síðan þau fóru og hún Heiða lofaði mér að verða ekki lengur en tvær! Mér fynst nú vera alveg nægur tími liðinn. En jæja, ætli Bjarni megi ekki fá þau lánuð í ör stutta stund lengur.

Ég er nú lítið búin að bardúsa á meðan. Fór á nokkra tónleika á Airwais. Þetta er orðið svaka stórt batterí maður! En vel að þessu staðið svo sem. En eins og alltaf þá fylgir þessu svo mikið dóp og drykkja að maður eiginlega nennir ekki að standa í þessu lengur, já þannig er þetta bara orðið!

En ég er svosem búin að vera ágætlega duglegur. Búin að flytja lögheimilið en og aftur og skellti inn einni umsókn um íbúð, fínum stað og ódýr. Annars er bara að reyna njóta þess að hvíla sig, þó maður sofi nú lítið án fílunar af Heiðu minni hliðiná mér... En það verður bara þess þá meira gaman þegar hún kemur.

Búin að hitta hana orlítið á MSN, þar situr hún úti með web-cam myndavél svo ég sé nú strákinn og konuna mína alveg. Kannski hentugt, því ég get tekið hljóðið af ;)

Já hann Flóvent bara hagaði sér eins og engill alla ferðina út, langt ferðalag. Hann fékk þó gubbupest einhverja í fyrradag, ældi og ældi en hefur nú náð sér af því, veit nú ekki hvað var þarna að. Svefn hringurinn er örlítið breinglaður eins og við var að búast en annars hafa þau það bara gott þarna úti.

Jæja, ætli ég láti þetta ekki bara gott heita í bili. Bið að heilsa einn af klakkanum.

Marinó Muggur Þorbjarnarson

Bíður eftir

Heiðu sinni og Flóvent

Strákarnir okkar?

Sat, 13 Oct 2007 17:45:33 GMT

Er að horfa á leikinn. Ætla ekki að tjá mig neitt um hann. Var að setja inn enn fleiri myndir bæði í nýjan flokk undir Kittú og Heiðar í heimsókn og í gömlu möppuna Október.

mamma og pabbi eru í ferðalagi um Norðurland. Þau kíktu í heimsókn áðan og tóku eikkað dót í jeppan sem þau ætla að keyra suður með fyrir okkur. Við ætlaum að fara eftir hádeigi á morgun. Fengum íbúð á Hlíðó, ekki svo langt frá Þorlákshöfn. Fæ líklegast líka vinnu (vonandi) hjá Z-brautum. Fæ far á morgnana þá í bæin svo heiða hefur bílinn og fæ far aftur til baka, enginn helgar vinna og get unnið líklegast að vild. Það er frábært ekki satt. Fáum 3 Herbergja íbúð sem er í gömlum heimavistaskóla og var vistastjóra íbúð, mjög fín. En það er þægilegt til þess að vita að nú geti maður farið að vinna.

Heiða og Flóvent fara svo í ferðalagið mikla á miðvikudaginn, sem betur fer, fer Edda með þeim, því annars hefði nú verið ómögulegt fyrir Heiðu sætu, að athafna sig með allar töskurnar og littla gaur líka. Samkvæmt íslenskri veðurspá á þó lægðirnar 2 sem fóru og fara yfir landið þessa dagana eð skella beint á Bergen á miðvikudag, en vonum bara að veðurfréttamennirnir séu jafn vitlausir og vanalega. Það er heldur ekki veðrir sem þrímenningarnir eru að sækjast í ...

En hafið það gott að sinni

kv.

Marinó Muggur Þorbjarnarson

Heiða Rún Bjarnadóttir

Flóvent Bjarni Marinósson

Myndir

Thu, 11 Oct 2007 15:28:57 GMT

Jæja, það er alltaf verið að kvarta hvað við séum ódugleg að setja hér inn myndir. Síðustu daga er ég búin að fylla allt af myndum. Var að setja nokkrar inn, undir "Október" Hér til vinstri. Þannig nú skuluð þið vera dugleg að skoða!

Höfuðborgarvæðing er óhjákvæmileg

Tue, 09 Oct 2007 01:02:05 GMT

Já, svo virðist sem höfuðborgarvæðing sé með öllu óhjákvæmileg. Nema þá í stærri smábæum út á landi s.s. Ísafirði, Akureyri og jafnvel Eigilstöðum útaf virkjun. Enga vinnu er að fá hér á Húsavík, að minnsta kosti ekki fyrir mig. Veit ekki hvort því sé að kenna að hér er lítið samfélag eða hreinlega enginn vinna. Annað hvort er verið að ráða gamla vinnumenn tilbaka, eða leggja niður heilu fyrirtækinn yfir veturinn. Engu að síður, hvernig sem á þessu stendur er enga vinnu hér að fá. Mér þykir afskaplega leiðilegt að þurfa að sækja um atvinnuleysi bætur á morgun, en annað kemur ekki til mála enda þarf að sjá nú fyrir fjölskyldu, eða minnsta kosti reyna.

Heiða og Flóvent ætla að kíkja í heimsókn til afa Bjarna yfir hafið til Noregs, það mun gerast á mánudag. Þá mun ég færa mig á Kópavoginn. Þar er atvinna í boðið fram yfir vinnuafl svo það ætti nú ekki að vera vandamál. Við komum hingað til Húsavíkur til að spara pening og ná að borga niður eitthvað af fyrrverandi bankaviðskiptum okkar. Því miður er lítið hægt að spara þegar ekki mikið kemur inn. Hins vegar er bærinn ótrúlega friðsæll og fallegur. Ég hef reynt að labba um hér daglega með Flóvent. Fer hér í garðinn og stoppa við lækinn, labba svo að rölta með malaveginum upp að fjallinu. Svo er nú hér ekta haust veður. Ískalt og smá snjór.

Í gær fórum við Heiða svo í Karið, sem er svona lítill heiti pottur hér við bæjar mörkin. Það var frost, alveg heiðskýrt og ef þú telur þig hafa séð stjörnu bjartan himinn, eða jafnvel séð gríða margar stjörnur, þá hefðir þú átt að sjá himininn þetta kvöld. MAGNAÐ

Jæja, það er nú eiginlega óskrifuð regla að hafa þetta ekki mjög langt, því þá nennir enginn að lesa yfir þetta. Þannig ég segi ykkur fleiri sögur seinna.

Kv. Marinó + Heiða = Flóvent Bjarni

Fallegt haust veður

Tue, 02 Oct 2007 14:00:52 GMT

Í dag skín fram afskaplega fallegt haust veður. Laufin, aðalega gul, liggja um allann garðinn og greinarnar standa nærri auðar. Hlíðarnar, hér rétt fyrir utan bæin, eru skreyttar fallegustu litum sem ég hef á ævi minn séð, þó ekki sé hún löng. Ég verð að skjóta því hér fram að ekki einu sinni hlíðarnar í Borganesi standast þessa liti. Ég svaf lítið í nótt og rölti því niður að sjónum. Sjórinn var afar þungur og kröftugur. Í hvert sinn sem öldurnar drógust til baka frá landi heyruðst drunur eins og það væru eldingar. Síðan í safnaðist svartur sjórinn aftur saman og skall af afli á landsteinanna. Ég hugsaði ósjálfrátt til Guðjóns afa míns sem ég fékk ekki tækifæri á að hitta. Það þarf mikið hugrekki til að farast á sjó. Kannski skrítið að segja þetta, en þetta var það sem hugur minn setti fram á þessari stundu, afsakið bara það þeir sem ílla taka.
<- Þarna eru nýjar myndir

Ég verð líka að viðurkenna eitt lítið sem ekki margir verða sáttir við að heyra. Ég er farinn að hugsa svolítið til jóla. Desember er nú meiri mánuðurinn. Langur, þreytandi og erfiður. Lítið í raun til að hlakka til í raun og veru. En þegar heimilið lyktar af góðum jólamat og jólagraut. Það er farið að dimma svolítið og kertaljós lýsa upp skammdeigið. Jóla öl og jóla möndlugrautur. Að setjast inn í stofu með fjölskyldu sinni og opna pakka. Lesa jólakort. Maður er nú löngu byrjaður að plana sumarfríið fyrir tíma. Það eyðileggur ekki neitt, eitthvað öðruvísi með jólinn? Ég er ekkert sko að fara hlusta á "Ég hlakka svo til" eða "Jólahjól" sem án efa þú ert komin með á heilann bara við að lesa þetta...

Það er margt sem ég er þakklátur fyrir í dag. Fyrstalagi að geta verið hamingjusamur, en aðalega að geta valið að vera hamingjusöm saman. Ég og Heiða ræddum soldið um kristni og um 3 endurteknar spurningar Krist til Péturs um hvort hann elskaði sig. Spurninginn var ekki til þess að fá staðfestingu um að Pétur sæi eftir að hafa svikið Krist 3svar áður. Heldur voru spurningarnar ætlaðar Pétri til að fyrirgefa sjálfum sér því Kristur hafði fyrir löngu fyrirgefið honum allt.

Ég er þakklátur fyrir Heiðu mína og Flóvent minn.

En þau eru að sjálfsögðu mest þakklát fyrir MIG.

Ætla að hringja snökkvast uppá féló ráðó og spyrjast fyrir um kæru húsaleigumála. Við fyrirgefum að sjálfsögðu leigusalanum okkar, bara ef hann borgar...;)

KKv. Marinó Muggur & Heiða Rún = Flóvent Bjarni

Sundgarpur

Mon, 01 Oct 2007 15:02:33 GMT

Í gær fórum við fjölskyldan í sund á Akureyri. Við fundum nú hvergi sundföt á strákinn en fengum svo lánað frá Heiðari frænda. Amma í Kópavogi ætlar svo að kíkja á suðurlandinu hvort ekki finnist skýla á strákinn. Flóvent fór að sjálfsögðu með pabba sínum í klefa þó mamman hafi reynt að telja öðrum í kring hughvarf um að littlir strákar eigi ekki að fara með pöbbum sínum í klefa heldur mömmum? Stundum þarf maður að draga línuna og þarna var hún dreginn. En við fengum alla innilaugina fyrir okkur sjálf. Flóvent skemmti sér konunglega, fór meira að segja í kaf. Síðan var okkur soldið kallt í búningsklefanum en fín sturta hitaði okkur og svo vorum við bara eld snöggir að klæða okkur.

Annars er lítið meira að frétta af okkur héðan úr norðri. Flóvent er að gera sig tilbúin til að fara í smá gögnu túr, svo vonandi leggur hann sig smá og leyfir mömmu og pabba að læra smá.

Bið að heilsa ykkur í bili, vill minna ykkur á að ég er búin að setja inn fullt af nýjum myndum undur "Ágúst & September" hér til hliðar. Skoðið þær endilega.. Síðan ætla ég að reyna skella inn einhverjum videoum.

Marinó Muggur & Heiða Rún = Flóvent Bjarni

Jæja

Thu, 27 Sep 2007 19:27:59 GMT

Já það var aldeilis athyglin sem neðangreind færsla fékk síðustu 2 daga. en nú að öðru.

Fjarnámið er að taka sinn toll, ég er nú búin að skila inn eitt verkefni af 6 sem þarf að skila inn í sálfræði. Heiða tók próf í dag í stærðfræði og fékk 10! Annars var kvöldveðrir í kvöld ótrúlega fallegt. Himininn var eins og málverk eftir einhver annan en klessumálara og byrtan frá himninum ótrúlega falleg. Flóvent er að breyta um svefntíma og það er að venjast. Stundum vill hann sofa mikið öðrum stundum lítið sem ekkert, ég held hann viti varla sjálfur hvað hann vill.

Ég er enn að bíða eftir svari með vinnu. Umsókn mín leit, að sögn fyrirtækisins sem tók við umsóknum fyrir hönd ríkisins "mjög vel út"

Bíð spenntur eftir svari á morgun. Annars svo sem ekkert svaka mikið að frétta. Tókum soldið af myndum af Flóvent sem við erum að vinna í að setja á netið og verða komnar hér til hliðar eftir stutta stund. Mun heita Ágúst & September.

Bið bara að heilsa í bili.

Marinó, Heiða & Flóvent Bjarni

Siðferðislaust agaleysi og kaffihúsagagnrýni

Wed, 26 Sep 2007 17:33:29 GMT

Það er margt í Íslensku dómskerfi sem ég og aðrir Íslendingar höfum ekki fengið menntun í að skilja. t.d. Afhverju er það skoðun verjanda sakbornings að 3. ára óskilorðsbundinn fangelsisdómur sé alltof hár dómur fyrir einstakling yfir 60, sem villir um fyrir og tælir börn, greiðir þeim fyrir kynferðislegar óskir sínar og lætur ekki segjast. Fremur verknað sinn oftar en einu sinni og á meðan rannsókn á máli hans stendur! Sakborningur sýnir klárlega brotavilja, notar til verksins 3 síma og mismunandi gervinöfn sem hann notar til að tæla börn á netinu! Fer svo með þær almennings stað og gerir þarfir sínar.

Eins og margir vita, þekki ég til Róberts Árna nokkuð örugglega, þar sem við stöndum nú í málarferlum við hann vegna peninga sem hann hélt að sér og samningsbrota sem við teljum hann hafa framið. Gagnvart okkur kom hann öruggur fram en hafði svo að lokum litla samvisku gagnvart nýstofnaðri fjölskyldu sem hann lét líta út fyrir í byrjun, að hann væri að hjálpa. Það er nú líklegast ekki mikil von um að við fáum mikið tilbaka, nú þegar þessi dómur er staðfestur og svo á eftir að skjóta málinu upp í hæstarétt þar sem vinir kauða og vinnu-félagar búa.

Að hugsa sér að verjandi barnaníðinga, einstaklingur sem situr við vitnaleiðslur barna sem hafa orðið fyrir árásum manna sem hafa ekki meira siðferði en hundar, skuli espast upp og sjálfur leiðast út í þessa blindgötu lostans og finast þetta svo bara allt í lagi. Róbert Árni er engin nýgræðingur í íslenskum lögum, sjálfur var einn fremsti lögfræðingur í Geirfinns málinu gamla, en langt er liðið síðan.

Ef ég skildi brjóta í hálfkvisti eða minna, í átt að þvílíkri siðleysu, þá myndi kona mín og barn ekki lengi staldra við, hinsvegar býr hann í góðu yfirlæti konu sinnar og barna og barnabarna. Oft hefur Íslenskt réttakerfi verið gagnrýnt á kaffihúsum Klakans sem og pólitík. Þetta tvennt á þó sameiginlegt að hundsa almenna skynsemi og rúlla sinn veg.

3 ár fyrir þvílíkan verknað af manni í ábyrgðarstöðu er smáræði. 18 ár fyrir ljótasta morð Íslandssögunar, er Íslandi til skammar. Ekkert heimili þrífst án aga og götur borgarinnar eru þegar farnar að sýna afleiðingar lélegs dómskerfis.

Ísland þarf ekki að verða lögregluríki, en það þarf ekki heldur að vera bananalýðveldi að eilífu.

Marinó Muggur Þorbjarnarson.

Síðan kom restin

Tue, 25 Sep 2007 11:35:58 GMT

Já börn eru stórfurðuleg. þau vakna alltaf þegar maður er að fara gera eitthvað sérstakt. Ef maður er í bíl þá vaknar hann Flóvent okkar alltaf 5 mínutum áður en við erum komin. Þau fæðast nakinn og sköllót og svo segir læknirinn að restin komi seinna! Jæja restin er að koma.

Flóvent er farinn að naga allt, hann er farinn að taka tennur. Aðalega vill hann neðrivörina eða hnefan sinn, honum finnst líka gott að láta mömmu sína nudda smá góminn. Honum finnst líka gaman núna að liggja á bakinu og halda í tærnar sínar.

Núna er hann byrjaður að taka upp á því að fara bara ekkert að sofa. Maður er að svæfa hann í c.a. 3 tíma í lokin vælir hann sárt en síðan stein sofnar hann, síðan klukkutíma síðar vaknar hann hlægjandi og þá er minn bara vaknaður.!

Svo er hann að verða skollóttur.

Flóvent leit svo í heimsókn með okkur til lang afa síns um daginn. Hló mikið og brosti framaní afa sinn

Kompás

Thu, 20 Sep 2007 16:06:35 GMT

Jæja.

En og aftur kominn tími á skrif hér. Við pössum okkur að skrifa ekki of oft svo mbl.is eða visir.is fari ekki að tengja okkur við annars lítið lesefni síðanna.

Það sem hæst stendur upp úr héðan frá fjölskyldunni er hártogaleikur okkar við skollótann fyrv. leigusala. Hann neytaði að borga okkur trygginguna tilbaka sem við greiddum í upphafi bara sí svona. Við sendum alitsnefnd kærunefnd húsaleigumál beiðni um að mál okkar yrði tekið upp sem fyrst, en því miður urðum við seinni til en aðrir, því samkvæmt Kompási er leigusalinn okkar sem er hæstaréttalögmaður þegar fyrir dómi vegna mála sem varða barnaverndarlög og fleira í þeim dúr. Hann er svo stunginn af til Spánar og hefur sett hús sitt á sölu fyrir littlar 90 milljónir.. Kannski þar sé eitthvað fyrir okkur.

Annars er ég bara í vinnu leit. Sóttu nú síðast um vinnu í leikskólanum og sem verslunarstjóri í vínbúðinni hérna. En jæja. Flóvent stækkar og stækkar, farinn að snúa sér og borða graut.

Ég er svo í fjarnámi í sálfræði og Heiða á fullu með heila önn á bakinu. Voða dugleg.

En þetta verður að vera nó í bili. Læt heyra frá okkur fljótlega aftur.

Marinó, Heiða & Flóvent Bjarni.

Loksins

Thu, 30 Aug 2007 00:38:17 GMT

Jæja það eru nú nokkrar sólarupprisur síðan við skráður athæfi okkar hér á þessa síðu og komin tími á nýjar sögur...

Það er nú ekki mikið merkilegt að frétta héðan svo sem, en þó eitthvað búið að bralla. Þriðjudaginn fórum við Heiða og Flóvent í heimsókn á Laugar til Júlíu og Búa. Brimir littli var í fríi frá leikskólanum svo við eyddum deginum með honum. Um hádeigið skruppum við svo í blíðviðrinu í berjamó sem búið er að plana í langan tíma. Flóvent hékk í "burðarbarnapoka" framan á mér og naut veðursins með okkur og stein sofnaði svo í góðu yfirlæti. Ég, flóvent, Heiða, Heiður Anna, Brimir, Júlía og Birna amma týndur töluvert þó höfðum við Flóvent ákveðið að fylgjast bara vel með og njóta síðar góðs af. Ekkert sáum við af krækiberjum en það var alveg heil nó af bláberjum. Þegar heim var komið var ákveðið að búa til "heilsu" sultu úr þeim, þ.e. minna af sykri en venjulega. Mallið virkaði feikna vel og úr varð hin fínasta sulta.

Annars erum við nú bara búin að hafa það letilegt. Flóvent nýtur þessa daga núna í að sofa og sofa. Hann fór þó í fyrstu sprautuna sína á mánudaginn og sem betur fer ferðast hann en sem handfarnangur því annars færi hann þangað aldrei aftur. Hann fékk smá hita eftir sprautuna sem algengt er, sem betur fer þó ekki mikinn, aðeins nokkrar kommur. Við ætluðum nú ekki að láta hann hafa stíl, en þegar leið á kvöldið ákváðum við að gefa honum einn svo hann gæti sofið þetta alt úr sér sem og hann gerði.

Við erum líka að venja hann á rúmið sitt. Hann hefur hingað til bara sofið á næturnar úti í vagni, nei nei, engar áhyggjur, hann hefur þó hingað til sofið í vagninum uppi hjá okkur. Svo þegar hann hefur rumskað þá er bara að rugga honum smá, mjög hentugt. En nú höfum við verið að venja hann á rúmið sitt og gengið bara nokkuð vel. Hann er með syngjandi ljósbangsa við hliðiná sér sem tekur við söngstundum pabba hans. Mjög þægilegt. Í kvöld þegar ég var svo að svæfa hann, þá raulaði hann með laginu frá bangsanum upp úr svefni.. Trúir því sem trúa vill. En það fanst mér allavegana.

Flóvent er farinn að uppgvöta puttana sína og stakk hnefanum ofan í maga um helgina. Ég náði henni þó út úr honum, alveg ferlegur. Hann er farinn að reyna grípa í hluti, eins og bangsan og vatnsperlurnar á hendinni á mömmu sinni, hann hittir þó ekki alltaf.

En annars er hann nú orðin svaka stór, svona miðað við almennilegar fjarstýringar og stækkar en upp úr fötunum sínum. Passar varla í vagninn ennþá.

Fæðingarorlofið mitt endar nú senn svo á morgun er planað að ræða við hér konu sem rekur veitingarstaðinn Sölku, sjáum hvað henni fynst um þennan Reykvíking sem kom til að ræna hér störfum af blóðbornum norðlendingum ;)

Jæja. Síminn er alltaf opinn hjá mér ef ég er ekki að nota skeiðklukkuna til að mæla hversu legni ég get haldið niðrí mér andanum. Þar til biðjum við að heilsa þeim sem vilja þekkja okkur.

Marinó, Heiða og Flóvent Bjarni

Kveðja frá Húsavík